Skip to content

Category: અપ્રકાશિત કાવ્યો

ટાઈમ્સ સ્કેવર

લાઈટોની ચકાચોંધે આંખો અંજાઈ છે જેમ વર્ષો પહેલાં ગામથી આવ્યા ત્યારે બાપુની અંજાઈ’તી. બધુ રાબેતા મુજબ ગોઠવાઈ ગયું’તું પણ મન ક્યાંય ગોઠતું નહોતું. ઘરની પીઢ ખસેડાઈ’તી નવી જગ્યાએ ઘર બનાવવા ને ઘર આખ્ખું છાપરા વગરનું ‘ટાઈમ્સ સ્કેવર’પર ઉભા ત્યારે સમયે એક વર્તુળ પુરું કર્યું છે.

ગંગાઘાટ

ઘંટડીના રણકાર આરતીનું અજવાળું મંત્રોના ઉચ્ચાર ને એમાં ભળી જતો ભીડનો કોલાહલ બધું જ શમી ગયા પછી પવન સ્થિર સમય સ્થિર મન સ્થિર બસ ધીમે ધીમે ડોલતો જાય શ્રધ્ધાથી તરતો મુકેલો એક દીવો!

Please wait...

Subscribe to our mailing list!

Be a part of our family!