લાઈટોની ચકાચોંધે આંખો અંજાઈ છે જેમ વર્ષો પહેલાં ગામથી આવ્યા ત્યારે બાપુની અંજાઈ’તી. બધુ રાબેતા મુજબ ગોઠવાઈ ગયું’તું પણ મન ક્યાંય ગોઠતું નહોતું. ઘરની પીઢ ખસેડાઈ’તી નવી જગ્યાએ ઘર બનાવવા ને ઘર આખ્ખું છાપરા વગરનું ‘ટાઈમ્સ સ્કેવર’પર ઉભા ત્યારે સમયે એક વર્તુળ પુરું કર્યું છે.
કોલેજનું કેમ્પસ આજે શણગારેલું હતું. વીસ વર્ષ પછી કોલેજની પહેલી બેચ એ જ કોલેજમાં ફરી મળવાની હતી. વર્ષો પછી સોશિયલ મિડિયાથી ભેગા થયેલા બધા હવે સદેહે મળવાના હતા. કોલેજના એ ખાટા-મીઠા સંસ્મરણો મમળાવવાના હતા! વિદેશમાં સ્થાયી થયેલા, સંજોગો વસાત ન આવી શકેલા વિદ્યાર્થીઓ ‘ફેસબુક લાઈવ’નો લાભ લઈ શકે એ માટે…
