મૌન રેખા

મૌનની એક સમાંતર રેખા
ખેંચાઇ ગઇ આપની વચ્ચે,

તેં કે મેં કોણે ખેંચી નથી ખબર,
છતાં ખેંચાઇ રહી આગળ આગળ
ગુંગળામણ ગભરામણ થઇ રહી અંદર અંદર
ડરને અવિશ્વાસ પણ વધી રહ્યો છે,
છતાં વિશ્વાસ છે,
મથામણ કરવા છતાં મનને ન મનાવી શકી
શું કરવું શું ન કરવું નક્કી ન કરી શકી,

મેં કર્યો એક પ્રયત્ન
હવે તું કર એક પ્રયત્ન
એ મૌનની રેખા સમાંતર રેખાને છેદવાનો વાણીથી

બસ હવેતો સીમા’ય આવી ગઇ મૌનની
છતાં અહીંથી વાણી શરુ નથી થતી.

કોણ કરશે પહેલ હું કે તું?????

(પ્રકાશિત : સંદેશ – ‘મહેફિલ’ ૧૫, ફેબ્રુઆરી ૨૦૦૦)